Affarijiet ta’ preġju f’idejn min ma jafx japprezzahom.
kategorija
l-annimali
dak bhima
Dak bniedem li ma jġib ruħu ħażin ma’ ħaddieħor; dak bniedem bla manjieri.
qisu betbut
Bniedem li jitkellem jgħajjat u minn imnieħru. Il-betbut huwa strument mużikali Malti u jagħmel ħoss bħal dak ta’ papra (fil-fatt, il-papra tbatbat).
x’il-belliegħa trid?
Nagħmlu din il-mistoqsija meta nħossu li xi ħadd ġej għandna b’xi problema. Il-belliegħa hija figura mitoloġika Maltija li tgħix fil-bjar.
beċċun
Bniedem li jemmen kollox u li kulħadd jagħmel li jrid bih.
sajjem daqs bebbuxu
Mingħajr ħjiel dwar dak li ġara.
ingħalaq bħall-bebbuxu
Ingħalaq fih innifsu u ma weriex l-emozzjonijiet tiegħu.
jiflaħ daqs barri
Għandu ħafna saħħa.
jonfoħ qisu barri
Jonfoħ ħafna u bil-goff.
tal-bajda ħa tiġieġa
Ta’ xi ħaġa żgħira ħa xi ħaġa oħra kbira, qabillu sew, mar minn fuq.
bajd u beċċun
Mara li jkollha tarbija u terġa’ tinqabad tqila ftit wara, ripetutament. Fil-bejta, normalment l-għasfura jew ikollha l-bajd jew ikollha l-bċieċen.
donnu l-bagħal tal-kummissarjat
Bniedem li l-ħin kollu jqabbduh jagħmel xi biċċa xogħol, waħda wara l-oħra.
mela dak xi bagħal?
Dak bniedem ukoll, ma tistax tonqsu mir-rispett.
żiemel awtur
Żiemel li aħjar minnu ma ssibx. Tintuża wkoll għal bhejjem oħra, bħall-baqra, eċċ.
qisu aringa
Irqiq ħafna. L-aringa hija speċi ta’ ħuta żgħira u rqiqa.
ħmar jitla’ l-arblu
Dak li qed tgħid huwa impossibbli.
jgħix ħajja ta’ annimal
Mhux qed jieħu ħsieb tiegħu nnifsu.
anqas annimal ma trid tara
Anqas annimal ma trid tara jbati, aħseb u ara bniedem.
bħal kelb imsawwat
Persuna li tkun qed tibża' li jiġrilha xi ħaġa.
qisu kelb ħafi
Persuna li tħuf 'l hemm u 'l hawn.
qishom kelb u qattus
Tnejn li dejjem jiġġieldu, ma jinħamlux.
kelb għalih innifsu
Jagħmel ħsara lilu nnifsu.
kelb
Persuna kattiva, azzjonitha ħażina.
jiżloq daqs bużullieqa
Jiżloq ħafna. Il-bużullieqa hija tip ta' ħuta.
jorqod daqs bumerin
Jorqod ħafna u fil-fond. Il-bumerin huwa foka tal-ispeċi Monachus monachus.
wara li ħrat il-baqra
Wara li kien tard wisq.
donnu bakkaljawa
Persuna rqiqa ħafna.
qisu bagħla rieqda
Persuna li qatt ma tgħid xejn, anke wara xi azzjoni ħażina.
jaħdem daqs bagħal
Jaħdem ħafna.
għajnejn ta’ baqra
Għajnejn kbar u ċassi.
għajnejn il-mogħża
Għajnejn b'ħafna kuluri.
għajnejn ta’ bażilisk
Għajnejn kbar, koroh u tal-biża' bħal tal-bażilisk, li huwa figura mitoloġika u folkloristika.
għajnejn il-ġurdien
Għajnejn żgħar immens.
għajnejn ta’ seqer
Ngħiduha għal xi ħadd li joqgħod attent ħafna u ma jaħrablu xejn.
kielhom il-ġurdien
Għandu xi snien neqsin, ġeneralment ngħiduha lit-tfal.
ħażin daqs ġurdien xiħ
Moħħu jilħaqlu, makakk.
ġurdien xiħ
Moħħu jilħaqlu, makakk.
L-idjomi kollha, f’post wieħed.