L-ikel (l-aktar l-għaġin) sar tgħaffiġa jew tgħassida, qisu bżieq.
kategorija
l-ikel
tari baqta
Tari ħafna. Baqta tfisser ħalib magħqud meta jiżdiedlu t‑tames, jiġifieri likwidu li jittieħed mill‑istonku tal‑ħrief u jitħallat mal‑ħalib biex jagħqad. Minn dan il‑proċess jiġi prodott il‑ġobon.
għamel balbuljata
Għamel tgħaffiġa sħiħa, gerfex kollox, mar ħażin ħafna. Il-balbuljata hija platt tradizzjonali Malti.
donnu bajtra
Bniedem li xejn mhu fuq tiegħu, artab, ma jħaffifx fix-xogħol.
dak bajtra misjura
Dak issa xjaħ u ma jiflaħx jgħaġġel daqs qabel, jew bniedem ikun minnu jagħmel kollox bil-lajma.
stenna l-bajtra taqa’ f’ħalqu
Qagħad jistenna li x-xogħol isir waħdu flok għamlu hu, qagħad jistenna li tiġih okkażjoni tajba flok mar u fittixha minn jeddu.
bajda b’żewġt isfra
Mhux talli ġiet okkażjoni tajba ħafna, talli ġiet oħra magħha - ħaġa rari tassew, bħal bajda li jkollha żewġt isfra (plural ta’ isfar).
għandu fejn jaqli bajda
Għandu widnejh kbar ħafna, bħallikieku taġnijiet.
fejn qlejna bajda naqlu tnejn
La qiegħed f’nofs biċċa xogħol, agħmel l-aħjar użu minnha.
jekk għandu xi bajda ħoxna ħa jbidha
Jekk għandu xi jgħid fuq xi ħaġa li qed iddejqu, ħallih ħa jgħidha.
tal-bajda ħa tiġieġa
Ta’ xi ħaġa żgħira ħa xi ħaġa oħra kbira, qabillu sew, mar minn fuq.
mimli daqs bajda
Mimli ħafna.
bajd u beċċun
Mara li jkollha tarbija u terġa’ tinqabad tqila ftit wara, ripetutament. Fil-bejta, normalment l-għasfura jew ikollha l-bajd jew ikollha l-bċieċen.
għamilha bil-bajd u l-ġobon
Għamel biċċa xogħol eċċellenti, kompluta.
donnu miexi fuq il-bajd
Miexi bil-mod ħafna.
trid tiekol bajd u ġobon
Trid taħdem ħafna biex tasal fejn tixtieq.
baħar baqta
Baħar kalm ħafna. Baqta tfisser ħalib magħqud meta jiżdiedlu t-tames, jiġifieri likwidu li jittieħed mill-istonku tal-ħrief u jitħallat mal-ħalib biex jagħqad. Minn dan il-proċess jiġi prodott il-ġobon.
baħar żejt
Baħar kalm ħafna.
aħwa tal-ħalib
Żewġ persuni li mhumiex aħwa iżda li kienet traddagħhom l-istess mara.
L-idjomi kollha, f’post wieħed.