Daħal f’biċċa inkwiet.
kategorija
in-natura
basla
Bniedem injorant, ma jridx jitgħallem.
daħal bejn il-basla u qoxritha
Tingħad għal min jindaħal fejn ma jesgħux, għax bejn il-basla u qoxritha m’hemmx spazju.
donnu bajtra
Bniedem li xejn mhu fuq tiegħu, artab, ma jħaffifx fix-xogħol.
dak bajtra misjura
Dak issa xjaħ u ma jiflaħx jgħaġġel daqs qabel, jew bniedem ikun minnu jagħmel kollox bil-lajma.
stenna l-bajtra taqa’ f’ħalqu
Qagħad jistenna li x-xogħol isir waħdu flok għamlu hu, qagħad jistenna li tiġih okkażjoni tajba flok mar u fittixha minn jeddu.
kollox mill-art
Tingħad meta nitfgħu ħafna ħaxix fil-borma mingħajr ma nqattgħuh, dritt mill-art.
bużullieqa
Persuna li mhix kapaċi tagħti kelma u żżommha. Il-bużullieqa hija tip ta' ħuta.
iswed tuta
Iswed ħafna, bħat-tut.
abjad lift
Abjad ħafna, bħal-lift, li huwa tip ta' ħaxix abjad (turnip).
abjad fiġla
Abjad ħafna, bħall-fiġla, li hija tip ta' ħaxix abjad (radish).
ikħal nir
Blu ħafna, bħan-nir, li hija speċi ta' xitla (Indigofera tinctoria). Il-lewn li nieħdu minn dix-xitla hu għalhekk il-blu, l-ikħal, għalhekk ngħidu "sema ikħal nir".
aħdar bużbież
Aħdar ħafna, bħall-bużbież, li huwa tip ta' pjanta.
aħdar ħaxix
Aħdar ħafna, bħall-ħaxix.
isfar lumija
Isfar ħafna, bħal-lumija.
aħmar skorfna
Aħmar ħafna, bħall-iskorfna, li hija tip ta' ħuta.
aħmar peprin
Aħmar ħafna, bħall-peprin.
aħmar qroll
Aħmar ħafna, bħall-qroll, li huwa kreatura tal-baħar.
isfar lellux
Isfar ħafna, bħall-fjura tal-lellux. Il-lelluxa hija tip ta' pjanta.
L-idjomi kollha, f’post wieħed.