Ngħiduha b'ringrazzjament lil xi ħadd li jkun għamlilna l-ġid, jew b'mod sarkastiku meta jkun għamlilna d-deni.
ix-xitan ma jaħmilx
Ngħiduha meta l-affarijiet ma jibdewx sejrin kif nixtiequ.
għax Alla tal-ħniena
Ngħiduha għal min ikun ħelisha minn ħalq il-mewt jew evita xi diżgrazzja.
ix-xitan għamieh
Għamel xi ħaġa ħażina ħafna jew xi żball oħxon.
f’ħajjet Alla
Ngħiduha meta nkunu kuntenti li tkun ġrat jew ma tkunx ġrat xi ħaġa.
mar għand Alla
Ewfemiżmu għal meta xi ħadd imut.
Alla jiftaħlek
Ngħiduha lil min ikun f'xi sitwazzjoni diffiċli, bit-tama li Alla jgħinu joħroġ minnha.
kemm Alla ħalaq
Ħafna, kwantità kbira ta' xi ħaġa.
mar quddiem Alla
Miet.
ix-xitan laqqagħhom
Ngħiduha għal tnejn li ma jiftiehmu qatt u l-ħin kollu jiġġieldu.
Alla m’għamlu
Ma baqax jidher, bħallikieku Alla qatt ma ħalqu.
minnek ’l Alla
Nafdaw f'Alla biex jieħu ħsieb iħares lil dak li jkun meta aħna ma nkunux nistgħu.
jalla
Ngħiduha meta xi ħadd jittama li l-affarijiet imorru kif ikun jixtieq. Ortografija aġġornata minn j'Alla bid-Deċiżjonijiet 1 tal-Kunsill Nazzjonali tal-Ilsien Malti.
jaf ix-xitan fejn jorqod
Jaf il-ħażin kollu ta' kulħadd, l-għajdut kollu.
Alla ried li…
Imnalla ġara li ġara, bil-grazzja t'Alla.
daqs kemm hu żgur Alla fis-sema
Bla dubju ta' xejn.
għal Alla din
Ngħiduha meta tiġrilna xi ħaġa ħażina u naċċettawha bi mħabba għal Alla.
Alla jgħammarkom
Ngħiduha lil koppja li għadha tiżżewweġ biex nixtiqulhom it-tfal.
Alla jbierek
Espressjoni ta' stagħġib għal xi ħaġa li togħġobna. Tintuża wkoll b'mod sarkastiku.
għal Alla din
Ngħiduha meta tiġrilna xi ħaġa ħażina u naċċettawha bi mħabba għal Alla.
Alla jbierku
Ngħiduha meta nisimgħu xi ħaġa tajba fuq xi ħadd.