Ngħiduha bi tweġiba lil min jistaqsina kif aħna, u ma nkunux qegħdin sew. Ngħidu wkoll "kif Alla jridek" lil xi ħadd biex niċċajtaw miegħu f'xi sitwazzjoni tad-daħq.
għax Alla ħanin
Ngħiduha għal min ikun ħelisha minn ħalq il-mewt jew evita xi diżgrazzja.
anġlu bellu
Ngħiduha għal xi tifel żgħir u gustuż, b'referenza għat-taqbila Maltija.
allaħares
Oriġinarjament Alla jħares. Ngħiduha meta nkunu nixtiequ li dak li qed nitkellmu fuqu ma jseħħ qatt.
rah xitan
Irrabjah talli fixklu milli ried jagħmel.
Alla jbierek id-dinja
Ngħiduha għal xi ħadd li ma jagħti kas ta' xejn.
Alla jħallsu
Ngħiduha għal min jagħmel azzjoni ħażina; nittamaw li jieħu l-kastig li ħaqqu.
lanqas Alla ma jfiehmu
Rasu iebsa ħafna.
Alla jiftaħlek
Ngħiduha lil min ikun f'xi sitwazzjoni diffiċli, bit-tama li Alla jgħinu joħroġ minnha.
mnalla
Li kellu jiġri ġara għax Alla hekk ried. Ortografija aġġornata minn (i)mn'Alla bid-Deċiżjonijiet 1 tal-Kunsill Nazzjonali tal-Ilsien Malti.
f’ħajjet Alla
Ngħiduha meta nkunu kuntenti li tkun ġrat jew ma tkunx ġrat xi ħaġa.
jekk Alla jislifni l-għomor
Jekk inkun għadni ħaj.
jibża’ minnu daqs kemm ix-xitan jibża’ mis-salib
Jibża' ħafna minnu.
Alla bagħtek
Ngħiduha meta jinzerta jiġi xi ħadd li jkun jista' jgħinna fil-pront.
anqas Alla ma jrid
Ngħiduha għal xi ħaġa ħażina li m'għandhiex tkun.
anqas Alla ma jaħmel
Ngħiduha għal xi ħaġa ħażina li m'għandhiex tkun.
qisu ra x-xitan
Irrabjah talli fixklu milli ried jagħmel.
ix-xitan ħara fuqu
Kien iffurtunat.
għax Alla ħanin
Ngħiduha għal min ikun ħelisha minn ħalq il-mewt jew evita xi diżgrazzja.
lanqas Alla ma jfiehmu
Rasu iebsa ħafna.
Alla m’għamlu
Ma baqax jidher, bħallikieku Alla qatt ma ħalqu.