Irrabjah talli fixklu milli ried jagħmel.
ix-xitan laqqagħhom
Ngħiduha għal tnejn li ma jiftiehmu qatt u l-ħin kollu jiġġieldu.
kif Alla jridni
Ngħiduha bi tweġiba lil min jistaqsina kif aħna, u ma nkunux qegħdin sew. Ngħidu wkoll "kif Alla jridek" lil xi ħadd biex niċċajtaw miegħu f'xi sitwazzjoni tad-daħq.
Alla nsieh
Ngħiduha għal bniedem twil ħafna.
Alla ried li…
Imnalla ġara li ġara, bil-grazzja t'Alla.
rah anġlu quddiemu
Apprezza ħafna l-għajnuna li tah.
donnu x-xitan iz-zopp
Ngħiduha għal min ikun izappap u ma tantx inkunu naħmluh.
Alla jgħinek
Ngħiduha lil xi ħadd meta ma nkunux irridu ngħinuh.
mnalla
Li kellu jiġri ġara għax Alla hekk ried. Ortografija aġġornata minn (i)mn'Alla bid-Deċiżjonijiet 1 tal-Kunsill Nazzjonali tal-Ilsien Malti.
ma tafx ix-xitan kif iġibha
Aħjar toqgħod attent, ma jmurx l-affarijiet imorru ħażin.
Alla refgħu minn xagħru
Ngħiduha għal min ikun ħelisha minn ħalq il-mewt jew evita xi diżgrazzja.
jaf ix-xitan fejn jorqod
Jaf il-ħażin kollu ta' kulħadd, l-għajdut kollu.
qisu ra x-xitan
Irrabjah talli fixklu milli ried jagħmel.
mar għand Alla
Ewfemiżmu għal meta xi ħadd imut.
anqas Alla ma jrid
Ngħiduha għal xi ħaġa ħażina li m'għandhiex tkun.
ix-xitan għamieh
Għamel xi ħaġa ħażina ħafna jew xi żball oħxon.
mhux imnalla
Dak li xtaqna li jsir ma kienx rieda t'Alla, u ma sarx.
jaf fejn ibejjet ix-xitan
Jaf il-ħażin kollu ta' kulħadd, l-għajdut kollu.
kif Alla jridni
Ngħiduha bi tweġiba lil min jistaqsina kif aħna, u ma nkunux qegħdin sew. Ngħidu wkoll "kif Alla jridek" lil xi ħadd biex niċċajtaw miegħu f'xi sitwazzjoni tad-daħq.
Alla jħallsu
Ngħiduha għal min jagħmel azzjoni ħażina; nittamaw li jieħu l-kastig li ħaqqu.
Alla jagħtih il-ġenna
Ngħiduha meta nsemmu lil xi ħadd li jkun mejjet, biex Alla jaħfirlu dnubietu.