Kategorija: Alla

Bla dubju ta’ xejn.

Alla laqqagħhom

Alla, ir-relazzjonijiet, ir-reliġjon

Alla ried li jiltaqgħu għax jaqblu ħafna. Tintuża wkoll ironikament.

Alla jgħammarkom

Alla, ir-reliġjon, it-tfal, iż-żwieġ

Ngħiduha lil koppja li għadha tiżżewweġ biex nixtiqulhom it-tfal.

jekk Alla jislifni l-għomor

Alla, ir-reliġjon, iż-żmien, l-età

Jekk inkun għadni ħaj.

lanqas Alla ma jsemmgħu

Rasu iebsa ħafna.

lanqas Alla ma jfiehmu

Rasu iebsa ħafna.

Alla jagħtih is-saħħa

Alla, il-ħażin, ir-reliġjon, is-saħħa, it-tajjeb

Ngħiduha b’ringrazzjament lil xi ħadd li jkun għamlilna l-ġid, jew b’mod sarkastiku meta jkun għamlilna d-deni.

Alla laħqu

Alla, il-ħażin, ir-reliġjon

Ngħiduha għal xi ħadd li jiġrilu l-ħażin wara li jkun għamel xi azzjoni ħażina.

Alla nsieh

Alla, il-ġisem, ir-reliġjon

Ngħiduha għal bniedem twil ħafna.

f’ħajjet Alla

Ngħiduha meta nkunu kuntenti li tkun ġrat jew ma tkunx ġrat xi ħaġa.

f’ġieħ Alla

Ngħiduha lil xi ħadd biex nenfasizzaw li nixtiquh jagħmel jew ma jagħmilx xi ħaġa, biex iweġġaħ lil Alla.

Alla jiftaħlek

Ngħiduha lil min ikun f’xi sitwazzjoni diffiċli, bit-tama li Alla jgħinu joħroġ minnha.

mhux imnalla

Dak li xtaqna li jsir ma kienx rieda t’Alla, u ma sarx.

Alla jista’ kollox

Ngħiduha meta nieħdu pjaċir li xi ħaġa tkun ġrat jew ma ġratx.

Alla jgħinek

Ngħiduha lil xi ħadd meta ma nkunux irridu ngħinuh.

Alla jaf x’kien jiġri

Alla, il-ħażin, ir-reliġjon

Seta’ nqala’ għawġ kbir, jew xi diżgrazzja.

għamlu Alla tiegħu

Ngħiduha għal min jaħseb li dak kollu li jagħmel u jgħid xi ħadd huwa tajjeb, qisu Alla.

Alla jaħfirlu

Alla, il-mewt, ir-reliġjon

Ngħiduha meta nsemmu lil xi ħadd li jkun mejjet, biex Alla jaħfirlu dnubietu.

anqas Alla ma jaħmel

Ngħiduha għal xi ħaġa ħażina li m’għandhiex tkun.

anqas Alla ma jrid

Ngħiduha għal xi ħaġa ħażina li m’għandhiex tkun.

Alla laqqiegħi

Alla, ir-reliġjon, iż-żwieġ

Ngħiduha għal koppja li tirnexxi fiż-żwieġ.

imbierek Alla

Ngħiduha meta nisimgħu jew naraw xi ħaġa sabiħa.

Alla jbierku

Ngħiduha meta nisimgħu xi ħaġa tajba fuq xi ħadd.

Alla bagħtek

Ngħiduha meta jinzerta jiġi xi ħadd li jkun jista’ jgħinna fil-pront.

Alla refgħu minn xagħru

Alla, il-mewt, ir-reliġjon

Ngħiduha għal min ikun ħelisha minn ħalq il-mewt jew evita xi diżgrazzja.

Alla ħabbu

Alla, il-mewt, ir-reliġjon

Ngħiduha għal minn ikun ħelisha minn ħalq il-mewt jew evita xi diżgrazzja.

Alla jbierek id-dinja

Ngħiduha għal xi ħadd li ma jagħti kas ta’ xejn.

Alla ġabru

Alla, il-ħażin, ir-reliġjon, it-tajjeb

Miet, jew inkella kien fid-direzzjoni l-ħażina u rranġa.

jalla l-ġid

Ngħiduha biex nuru li aħna kuntenti b’xi ħaġa tajba li tkun ġrat. Ortografija aġġornata minn j’Alla bid-Deċiżjonijiet 1 tal-Kunsill Nazzjonali tal-Ilsien Malti.

kemm Alla ħalaq

Ħafna, kwantità kbira ta’ xi ħaġa.

għad Alla jrid joħloq

Ngħiduha għal min ikun antipatku, pessmu, kattiv jew ikollu karattru li ma jogħġobniex.

b’kemm Alla tah saħħa

Alla, ir-reliġjon, is-saħħa

B’saħħtu kollha, kemm felaħ.

jagħmel Alla

Nafdaw f’Alla biex meta ma nkunu nistgħu nagħmlu xejn iżjed, jieħu ħsieb Hu.

għal Alla din

Ngħiduha meta tiġrilna xi ħaġa ħażina u naċċettawha bi mħabba għal Alla.

allaħares

Oriġinarjament Alla jħares. Ngħiduha meta nkunu nixtiequ li dak li qed nitkellmu fuqu ma jseħħ qatt.

Alla jbierek

Espressjoni ta’ stagħġib għal xi ħaġa li togħġobna. Tintuża wkoll b’mod sarkastiku.

jalla