Nafdaw f'Alla biex jieħu ħsieb iħares lil dak li jkun meta aħna ma nkunux nistgħu.
Alla jaħfirlu
Ngħiduha meta nsemmu lil xi ħadd li jkun mejjet, biex Alla jaħfirlu dnubietu.
Alla m’għamlu
Ma baqax jidher, bħallikieku Alla qatt ma ħalqu.
Alla bagħtek
Ngħiduha meta jinzerta jiġi xi ħadd li jkun jista' jgħinna fil-pront.
ix-xitan laqqagħhom
Ngħiduha għal tnejn li ma jiftiehmu qatt u l-ħin kollu jiġġieldu.
Alla ried li…
Imnalla ġara li ġara, bil-grazzja t'Alla.
jalla
Ngħiduha meta xi ħadd jittama li l-affarijiet imorru kif ikun jixtieq. Ortografija aġġornata minn j'Alla bid-Deċiżjonijiet 1 tal-Kunsill Nazzjonali tal-Ilsien Malti.
għad Alla jrid joħloq
Ngħiduha għal min ikun antipatku, pessmu, kattiv jew ikollu karattru li ma jogħġobniex.
jibża’ minnu daqs kemm ix-xitan jibża’ mis-salib
Jibża' ħafna minnu.
Alla jaf x’kien jiġri
Seta' nqala' għawġ kbir, jew xi diżgrazzja.
ma jistħix minn Alla li ħalqu
Wiċċu jtih, wiċċu tost, ma jistħi minn xejn.
Alla ried li…
Imnalla ġara li ġara, bil-grazzja t'Alla.
kif Alla jridni
Ngħiduha bi tweġiba lil min jistaqsina kif aħna, u ma nkunux qegħdin sew. Ngħidu wkoll "kif Alla jridek" lil xi ħadd biex niċċajtaw miegħu f'xi sitwazzjoni tad-daħq.
Alla ħabbu
Ngħiduha għal minn ikun ħelisha minn ħalq il-mewt jew evita xi diżgrazzja.
għax Alla ħanin
Ngħiduha għal min ikun ħelisha minn ħalq il-mewt jew evita xi diżgrazzja.
għand Alla u ommu
'Il bogħod ħafna.
Alla jbierek
Espressjoni ta' stagħġib għal xi ħaġa li togħġobna. Tintuża wkoll b'mod sarkastiku.
rah xitan
Irrabjah talli fixklu milli ried jagħmel.
f’ġieħ Alla
Ngħiduha lil xi ħadd biex nenfasizzaw li nixtiquh jagħmel jew ma jagħmilx xi ħaġa, biex iweġġaħ lil Alla.
qisu anġlu
Ngħiduha għat-tfal żgħar u ħelwin.
Alla laħqu
Ngħiduha għal xi ħadd li jiġrilu l-ħażin wara li jkun għamel xi azzjoni ħażina.
irid ilaħħaq m’Alla u max-xitan
Irid ilaħħaq ma' kollox.