Wiċċu jtih, wiċċu tost, ma jistħi minn xejn.
Alla ħabbu
Ngħiduha għal minn ikun ħelisha minn ħalq il-mewt jew evita xi diżgrazzja.
Alla jagħtih is-saħħa
Ngħiduha b'ringrazzjament lil xi ħadd li jkun għamlilna l-ġid, jew b'mod sarkastiku meta jkun għamlilna d-deni.
mhux imnalla
Dak li xtaqna li jsir ma kienx rieda t'Alla, u ma sarx.
Alla jaħfirlu
Ngħiduha meta nsemmu lil xi ħadd li jkun mejjet, biex Alla jaħfirlu dnubietu.
jaf ix-xitan fejn jorqod
Jaf il-ħażin kollu ta' kulħadd, l-għajdut kollu.
kemm Alla ħalaq
Ħafna, kwantità kbira ta' xi ħaġa.
irid ilaħħaq m’Alla u max-xitan
Irid ilaħħaq ma' kollox.
Alla laqqiegħi
Ngħiduha għal koppja li tirnexxi fiż-żwieġ.
għax Alla ħanin
Ngħiduha għal min ikun ħelisha minn ħalq il-mewt jew evita xi diżgrazzja.
jibża’ minnu daqs kemm ix-xitan jibża’ mis-salib
Jibża' ħafna minnu.
għad Alla jrid joħloq
Ngħiduha għal min ikun antipatku, pessmu, kattiv jew ikollu karattru li ma jogħġobniex.
allaħares
Oriġinarjament Alla jħares. Ngħiduha meta nkunu nixtiequ li dak li qed nitkellmu fuqu ma jseħħ qatt.
Alla m’għamlu
Ma baqax jidher, bħallikieku Alla qatt ma ħalqu.
jagħmel Alla
Nafdaw f'Alla biex meta ma nkunu nistgħu nagħmlu xejn iżjed, jieħu ħsieb Hu.
f’ħajjet Alla
Ngħiduha meta nkunu kuntenti li tkun ġrat jew ma tkunx ġrat xi ħaġa.
rah anġlu quddiemu
Apprezza ħafna l-għajnuna li tah.
Alla jkun jafhulek
Alla jagħraf u jippremja l-azzjoni tajba li qiegħed tagħmel.
Alla laqqagħhom
Alla ried li jiltaqgħu għax jaqblu ħafna. Tintuża wkoll ironikament.
jibża’ minnu daqs kemm ix-xitan jibża’ mis-salib
Jibża' ħafna minnu.
għal Alla din
Ngħiduha meta tiġrilna xi ħaġa ħażina u naċċettawha bi mħabba għal Alla.
jalla
Ngħiduha meta xi ħadd jittama li l-affarijiet imorru kif ikun jixtieq. Ortografija aġġornata minn j'Alla bid-Deċiżjonijiet 1 tal-Kunsill Nazzjonali tal-Ilsien Malti.