Ngħiduha għal xi ħadd li ma jagħti kas ta' xejn.
jagħmel Alla
Nafdaw f'Alla biex meta ma nkunu nistgħu nagħmlu xejn iżjed, jieħu ħsieb Hu.
Alla biss jaf
Ħadd ma jaf; għadd kbir tant li ma tistax timmaġina kemm.
Alla jagħtih is-saħħa
Ngħiduha b'ringrazzjament lil xi ħadd li jkun għamlilna l-ġid, jew b'mod sarkastiku meta jkun għamlilna d-deni.
jaf ix-xitan fejn jorqod
Jaf il-ħażin kollu ta' kulħadd, l-għajdut kollu.
imbierek Alla
Ngħiduha meta nisimgħu jew naraw xi ħaġa sabiħa.
mnalla
Li kellu jiġri ġara għax Alla hekk ried. Ortografija aġġornata minn (i)mn'Alla bid-Deċiżjonijiet 1 tal-Kunsill Nazzjonali tal-Ilsien Malti.
lanqas Alla ma jsemmgħu
Rasu iebsa ħafna.
għand Alla u ommu
'Il bogħod ħafna.
qisu ra x-xitan
Irrabjah talli fixklu milli ried jagħmel.
għad Alla jrid joħloq
Ngħiduha għal min ikun antipatku, pessmu, kattiv jew ikollu karattru li ma jogħġobniex.
ix-xitan u s-salib
Ngħiduha għal tnejn li ma jiftiehmu qatt u l-ħin kollu jiġġieldu.
Alla jgħammarkom
Ngħiduha lil koppja li għadha tiżżewweġ biex nixtiqulhom it-tfal.
Alla jgħinek
Ngħiduha lil xi ħadd meta ma nkunux irridu ngħinuh.
mar għand Alla
Ewfemiżmu għal meta xi ħadd imut.
f’ġieħ Alla
Ngħiduha lil xi ħadd biex nenfasizzaw li nixtiquh jagħmel jew ma jagħmilx xi ħaġa, biex iweġġaħ lil Alla.
kif Alla jridni
Ngħiduha bi tweġiba lil min jistaqsina kif aħna, u ma nkunux qegħdin sew. Ngħidu wkoll "kif Alla jridek" lil xi ħadd biex niċċajtaw miegħu f'xi sitwazzjoni tad-daħq.
allaħares
Oriġinarjament Alla jħares. Ngħiduha meta nkunu nixtiequ li dak li qed nitkellmu fuqu ma jseħħ qatt.
anġlu bellu
Ngħiduha għal xi tifel żgħir u gustuż, b'referenza għat-taqbila Maltija.
Alla jbierek id-dinja
Ngħiduha għal xi ħadd li ma jagħti kas ta' xejn.
ix-xitan laqqagħhom
Ngħiduha għal tnejn li ma jiftiehmu qatt u l-ħin kollu jiġġieldu.