Alla laqqagħhom

Alla ried li jiltaqgħu għax jaqblu ħafna. Tintuża wkoll ironikament.

Kategoriji: Alla | ir-relazzjonijiet | ir-reliġjon

Alla jkun jafhulek

Alla jagħraf u jippremja l-azzjoni tajba li qiegħed tagħmel.

jalla l-ġid

Ngħiduha biex nuru li aħna kuntenti b'xi ħaġa tajba li tkun ġrat. Ortografija aġġornata minn j'Alla bid-Deċiżjonijiet 1 tal-Kunsill Nazzjonali tal-Ilsien Malti.

ix-xitan deffes denbu

Inqala' l-inkwiet, ġara xi ħaġa ħażina.

għax Alla ħanin

Ngħiduha għal min ikun ħelisha minn ħalq il-mewt jew evita xi diżgrazzja.

ix-xitan laqqagħhom

Ngħiduha għal tnejn li ma jiftiehmu qatt u l-ħin kollu jiġġieldu.

ix-xitan għamieh

Għamel xi ħaġa ħażina ħafna jew xi żball oħxon.

f’ħajjet Alla

Ngħiduha meta nkunu kuntenti li tkun ġrat jew ma tkunx ġrat xi ħaġa.

għamlu Alla tiegħu

Ngħiduha għal min jaħseb li dak kollu li jagħmel u jgħid xi ħadd huwa tajjeb, qisu Alla.

qisu ra x-xitan

Irrabjah talli fixklu milli ried jagħmel.

mar għand Alla

Ewfemiżmu għal meta xi ħadd imut.

jalla

Ngħiduha meta xi ħadd jittama li l-affarijiet imorru kif ikun jixtieq. Ortografija aġġornata minn j'Alla bid-Deċiżjonijiet 1 tal-Kunsill Nazzjonali tal-Ilsien Malti.