Imnalla ġara li ġara, bil-grazzja t'Alla.
anġlu bellu
Ngħiduha għal xi tifel żgħir u gustuż, b'referenza għat-taqbila Maltija.
Alla jbierek
Espressjoni ta' stagħġib għal xi ħaġa li togħġobna. Tintuża wkoll b'mod sarkastiku.
jekk Alla jislifni l-għomor
Jekk inkun għadni ħaj.
jaf ix-xitan fejn jorqod
Jaf il-ħażin kollu ta' kulħadd, l-għajdut kollu.
jalla
Ngħiduha meta xi ħadd jittama li l-affarijiet imorru kif ikun jixtieq. Ortografija aġġornata minn j'Alla bid-Deċiżjonijiet 1 tal-Kunsill Nazzjonali tal-Ilsien Malti.
ix-xitan ħara fuqu
Kien iffurtunat.
f’ħajjet Alla
Ngħiduha meta nkunu kuntenti li tkun ġrat jew ma tkunx ġrat xi ħaġa.
kif Alla jridni
Ngħiduha bi tweġiba lil min jistaqsina kif aħna, u ma nkunux qegħdin sew. Ngħidu wkoll "kif Alla jridek" lil xi ħadd biex niċċajtaw miegħu f'xi sitwazzjoni tad-daħq.
ma jistħix minn Alla li ħalqu
Wiċċu jtih, wiċċu tost, ma jistħi minn xejn.
għax Alla tal-ħniena
Ngħiduha għal min ikun ħelisha minn ħalq il-mewt jew evita xi diżgrazzja.
Alla jaħfirlu
Ngħiduha meta nsemmu lil xi ħadd li jkun mejjet, biex Alla jaħfirlu dnubietu.
Alla refgħu minn xagħru
Ngħiduha għal min ikun ħelisha minn ħalq il-mewt jew evita xi diżgrazzja.
ix-xitan għamieh
Għamel xi ħaġa ħażina ħafna jew xi żball oħxon.
Alla jħallsu
Ngħiduha għal min jagħmel azzjoni ħażina; nittamaw li jieħu l-kastig li ħaqqu.
Alla jgħinek
Ngħiduha lil xi ħadd meta ma nkunux irridu ngħinuh.
mar quddiem Alla
Miet.
donnu x-xitan iz-zopp
Ngħiduha għal min ikun izappap u ma tantx inkunu naħmluh.
anqas Alla ma jaħmel
Ngħiduha għal xi ħaġa ħażina li m'għandhiex tkun.
kemm Alla ħalaq
Ħafna, kwantità kbira ta' xi ħaġa.
Alla jkun jafhulek
Alla jagħraf u jippremja l-azzjoni tajba li qiegħed tagħmel.
imbierek Alla
Ngħiduha meta nisimgħu jew naraw xi ħaġa sabiħa.