Ngħiduha meta nsemmu lil xi ħadd li jkun mejjet, biex Alla jaħfirlu dnubietu.
f’ġieħ Alla
Ngħiduha lil xi ħadd biex nenfasizzaw li nixtiquh jagħmel jew ma jagħmilx xi ħaġa, biex iweġġaħ lil Alla.
anqas Alla ma jrid
Ngħiduha għal xi ħaġa ħażina li m'għandhiex tkun.
allaħares
Oriġinarjament Alla jħares. Ngħiduha meta nkunu nixtiequ li dak li qed nitkellmu fuqu ma jseħħ qatt.
Alla ġabru
Miet, jew inkella kien fid-direzzjoni l-ħażina u rranġa.
imbierek Alla
Ngħiduha meta nisimgħu jew naraw xi ħaġa sabiħa.
Alla jaf x’kien jiġri
Seta' nqala' għawġ kbir, jew xi diżgrazzja.
jibża’ minnu daqs kemm ix-xitan jibża’ mis-salib
Jibża' ħafna minnu.
Alla jkun jafhulek
Alla jagħraf u jippremja l-azzjoni tajba li qiegħed tagħmel.
ix-xitan ħara fuqu
Kien iffurtunat.
jagħmel Alla
Nafdaw f'Alla biex meta ma nkunu nistgħu nagħmlu xejn iżjed, jieħu ħsieb Hu.
Alla refgħu minn xagħru
Ngħiduha għal min ikun ħelisha minn ħalq il-mewt jew evita xi diżgrazzja.
Alla jgħammarkom
Ngħiduha lil koppja li għadha tiżżewweġ biex nixtiqulhom it-tfal.
kif Alla jridni
Ngħiduha bi tweġiba lil min jistaqsina kif aħna, u ma nkunux qegħdin sew. Ngħidu wkoll "kif Alla jridek" lil xi ħadd biex niċċajtaw miegħu f'xi sitwazzjoni tad-daħq.
għamlu Alla tiegħu
Ngħiduha għal min jaħseb li dak kollu li jagħmel u jgħid xi ħadd huwa tajjeb, qisu Alla.
jaf ix-xitan fejn jorqod
Jaf il-ħażin kollu ta' kulħadd, l-għajdut kollu.
għand Alla u ommu
'Il bogħod ħafna.
Alla biss jaf
Ħadd ma jaf; għadd kbir tant li ma tistax timmaġina kemm.
anqas Alla ma jaħmel
Ngħiduha għal xi ħaġa ħażina li m'għandhiex tkun.
jalla l-ġid
Ngħiduha biex nuru li aħna kuntenti b'xi ħaġa tajba li tkun ġrat. Ortografija aġġornata minn j'Alla bid-Deċiżjonijiet 1 tal-Kunsill Nazzjonali tal-Ilsien Malti.
ix-xitan ma jaħmilx
Ngħiduha meta l-affarijiet ma jibdewx sejrin kif nixtiequ.
lanqas Alla ma jfiehmu
Rasu iebsa ħafna.