Jaf il-ħażin kollu ta' kulħadd, l-għajdut kollu.
Alla laħqu
Ngħiduha għal xi ħadd li jiġrilu l-ħażin wara li jkun għamel xi azzjoni ħażina.
Alla jiftaħlek
Ngħiduha lil min ikun f'xi sitwazzjoni diffiċli, bit-tama li Alla jgħinu joħroġ minnha.
għax Alla tal-ħniena
Ngħiduha għal min ikun ħelisha minn ħalq il-mewt jew evita xi diżgrazzja.
Alla jkun jafhulek
Alla jagħraf u jippremja l-azzjoni tajba li qiegħed tagħmel.
Alla jista’ kollox
Ngħiduha meta nieħdu pjaċir li xi ħaġa tkun ġrat jew ma ġratx.
Alla jagħtih is-saħħa
Ngħiduha b'ringrazzjament lil xi ħadd li jkun għamlilna l-ġid, jew b'mod sarkastiku meta jkun għamlilna d-deni.
sar xitan
Irrabja ħafna.
kif Alla jridni
Ngħiduha bi tweġiba lil min jistaqsina kif aħna, u ma nkunux qegħdin sew. Ngħidu wkoll "kif Alla jridek" lil xi ħadd biex niċċajtaw miegħu f'xi sitwazzjoni tad-daħq.
ix-xitan deffes denbu
Inqala' l-inkwiet, ġara xi ħaġa ħażina.
Alla jagħtih is-saħħa
Ngħiduha b'ringrazzjament lil xi ħadd li jkun għamlilna l-ġid, jew b'mod sarkastiku meta jkun għamlilna d-deni.
Alla bagħtek
Ngħiduha meta jinzerta jiġi xi ħadd li jkun jista' jgħinna fil-pront.
għal Alla din
Ngħiduha meta tiġrilna xi ħaġa ħażina u naċċettawha bi mħabba għal Alla.
Alla m’għamlu
Ma baqax jidher, bħallikieku Alla qatt ma ħalqu.
qisu anġlu
Ngħiduha għat-tfal żgħar u ħelwin.
Alla jgħinek
Ngħiduha lil xi ħadd meta ma nkunux irridu ngħinuh.
ix-xitan ma jaħmilx
Ngħiduha meta l-affarijiet ma jibdewx sejrin kif nixtiequ.
għax Alla ħanin
Ngħiduha għal min ikun ħelisha minn ħalq il-mewt jew evita xi diżgrazzja.
minnek ’l Alla
Nafdaw f'Alla biex jieħu ħsieb iħares lil dak li jkun meta aħna ma nkunux nistgħu.
Alla m’għamlu
Ma baqax jidher, bħallikieku Alla qatt ma ħalqu.
jalla l-ġid
Ngħiduha biex nuru li aħna kuntenti b'xi ħaġa tajba li tkun ġrat. Ortografija aġġornata minn j'Alla bid-Deċiżjonijiet 1 tal-Kunsill Nazzjonali tal-Ilsien Malti.