Irrabjah talli fixklu milli ried jagħmel.
jagħmel Alla
Nafdaw f'Alla biex meta ma nkunu nistgħu nagħmlu xejn iżjed, jieħu ħsieb Hu.
Kategoriji: Alla
Alla jkun jafhulek
Alla jagħraf u jippremja l-azzjoni tajba li qiegħed tagħmel.
lanqas Alla ma jfiehmu
Rasu iebsa ħafna.
ma tafx ix-xitan kif iġibha
Aħjar toqgħod attent, ma jmurx l-affarijiet imorru ħażin.
Alla jista’ kollox
Ngħiduha meta nieħdu pjaċir li xi ħaġa tkun ġrat jew ma ġratx.
Alla jgħammarkom
Ngħiduha lil koppja li għadha tiżżewweġ biex nixtiqulhom it-tfal.
ix-xitan għamieh
Għamel xi ħaġa ħażina ħafna jew xi żball oħxon.
Alla laħqu
Ngħiduha għal xi ħadd li jiġrilu l-ħażin wara li jkun għamel xi azzjoni ħażina.
ix-xitan deffes denbu
Inqala' l-inkwiet, ġara xi ħaġa ħażina.
Alla jaf x’kien jiġri
Seta' nqala' għawġ kbir, jew xi diżgrazzja.
Alla refgħu minn xagħru
Ngħiduha għal min ikun ħelisha minn ħalq il-mewt jew evita xi diżgrazzja.
Alla ġabru
Miet, jew inkella kien fid-direzzjoni l-ħażina u rranġa.
mar għand Alla
Ewfemiżmu għal meta xi ħadd imut.
Alla laqqiegħi
Ngħiduha għal koppja li tirnexxi fiż-żwieġ.
minnek ’l Alla
Nafdaw f'Alla biex jieħu ħsieb iħares lil dak li jkun meta aħna ma nkunux nistgħu.
mnalla
Li kellu jiġri ġara għax Alla hekk ried. Ortografija aġġornata minn (i)mn'Alla bid-Deċiżjonijiet 1 tal-Kunsill Nazzjonali tal-Ilsien Malti.
mar quddiem Alla
Miet.
rah anġlu quddiemu
Apprezza ħafna l-għajnuna li tah.
Alla jibgħatha tajba, għax ħażina ilha
Ngħiduha meta nkunu nixtiequ li Alla jgħinna negħlbu xi inkwiet li jkun ilu għaddej.
kif Alla jridni
Ngħiduha bi tweġiba lil min jistaqsina kif aħna, u ma nkunux qegħdin sew. Ngħidu wkoll "kif Alla jridek" lil xi ħadd biex niċċajtaw miegħu f'xi sitwazzjoni tad-daħq.
mnalla
Li kellu jiġri ġara għax Alla hekk ried. Ortografija aġġornata minn (i)mn'Alla bid-Deċiżjonijiet 1 tal-Kunsill Nazzjonali tal-Ilsien Malti.