Ngħiduha għal min ikun ħelisha minn ħalq il-mewt jew evita xi diżgrazzja.
jalla l-ġid
Ngħiduha biex nuru li aħna kuntenti b'xi ħaġa tajba li tkun ġrat. Ortografija aġġornata minn j'Alla bid-Deċiżjonijiet 1 tal-Kunsill Nazzjonali tal-Ilsien Malti.
rah xitan
Irrabjah talli fixklu milli ried jagħmel.
allaħares
Oriġinarjament Alla jħares. Ngħiduha meta nkunu nixtiequ li dak li qed nitkellmu fuqu ma jseħħ qatt.
ix-xitan għamieh
Għamel xi ħaġa ħażina ħafna jew xi żball oħxon.
Alla refgħu minn xagħru
Ngħiduha għal min ikun ħelisha minn ħalq il-mewt jew evita xi diżgrazzja.
mnalla
Li kellu jiġri ġara għax Alla hekk ried. Ortografija aġġornata minn (i)mn'Alla bid-Deċiżjonijiet 1 tal-Kunsill Nazzjonali tal-Ilsien Malti.
anqas Alla ma jaħmel
Ngħiduha għal xi ħaġa ħażina li m'għandhiex tkun.
Alla jiftaħlek
Ngħiduha lil min ikun f'xi sitwazzjoni diffiċli, bit-tama li Alla jgħinu joħroġ minnha.
Alla m’għamlu
Ma baqax jidher, bħallikieku Alla qatt ma ħalqu.
daqs kemm hu żgur Alla fis-sema
Bla dubju ta' xejn.
jaf ix-xitan fejn jorqod
Jaf il-ħażin kollu ta' kulħadd, l-għajdut kollu.
ix-xitan laqqagħhom
Ngħiduha għal tnejn li ma jiftiehmu qatt u l-ħin kollu jiġġieldu.
Alla laqqagħhom
Alla ried li jiltaqgħu għax jaqblu ħafna. Tintuża wkoll ironikament.
Alla laqqiegħi
Ngħiduha għal koppja li tirnexxi fiż-żwieġ.
jaf fejn ibejjet ix-xitan
Jaf il-ħażin kollu ta' kulħadd, l-għajdut kollu.
ma jistħix minn Alla li ħalqu
Wiċċu jtih, wiċċu tost, ma jistħi minn xejn.
qisu anġlu
Ngħiduha għat-tfal żgħar u ħelwin.
Alla jibgħatha tajba, għax ħażina ilha
Ngħiduha meta nkunu nixtiequ li Alla jgħinna negħlbu xi inkwiet li jkun ilu għaddej.
Alla jgħinek
Ngħiduha lil xi ħadd meta ma nkunux irridu ngħinuh.
allaħares
Oriġinarjament Alla jħares. Ngħiduha meta nkunu nixtiequ li dak li qed nitkellmu fuqu ma jseħħ qatt.
għax Alla tal-ħniena
Ngħiduha għal min ikun ħelisha minn ħalq il-mewt jew evita xi diżgrazzja.