minnek ’l Alla

Nafdaw f'Alla biex jieħu ħsieb iħares lil dak li jkun meta aħna ma nkunux nistgħu.

Kategoriji: Alla

anqas Alla ma jrid

Ngħiduha għal xi ħaġa ħażina li m'għandhiex tkun.

kif Alla jridni

Ngħiduha bi tweġiba lil min jistaqsina kif aħna, u ma nkunux qegħdin sew. Ngħidu wkoll "kif Alla jridek" lil xi ħadd biex niċċajtaw miegħu f'xi sitwazzjoni tad-daħq.

mnalla

Li kellu jiġri ġara għax Alla hekk ried. Ortografija aġġornata minn (i)mn'Alla bid-Deċiżjonijiet 1 tal-Kunsill Nazzjonali tal-Ilsien Malti.

Alla jibgħatha tajba, għax ħażina ilha

Ngħiduha meta nkunu nixtiequ li Alla jgħinna negħlbu xi inkwiet li jkun ilu għaddej.

ix-xitan laqqagħhom

Ngħiduha għal tnejn li ma jiftiehmu qatt u l-ħin kollu jiġġieldu.

jaf ix-xitan fejn jorqod

Jaf il-ħażin kollu ta' kulħadd, l-għajdut kollu.

mar quddiem Alla

Miet.

Alla jbierek id-dinja

Ngħiduha għal xi ħadd li ma jagħti kas ta' xejn.

ix-xitan ħara fuqu

Kien iffurtunat.

jalla l-ġid

Ngħiduha biex nuru li aħna kuntenti b'xi ħaġa tajba li tkun ġrat. Ortografija aġġornata minn j'Alla bid-Deċiżjonijiet 1 tal-Kunsill Nazzjonali tal-Ilsien Malti.