Ngħiduha għal min ikun izappap u ma tantx inkunu naħmluh.
minnek ’l Alla
Nafdaw f'Alla biex jieħu ħsieb iħares lil dak li jkun meta aħna ma nkunux nistgħu.
Kategoriji: Alla
ix-xitan għamieh
Għamel xi ħaġa ħażina ħafna jew xi żball oħxon.
qisu ra x-xitan
Irrabjah talli fixklu milli ried jagħmel.
kif Alla jridni
Ngħiduha bi tweġiba lil min jistaqsina kif aħna, u ma nkunux qegħdin sew. Ngħidu wkoll "kif Alla jridek" lil xi ħadd biex niċċajtaw miegħu f'xi sitwazzjoni tad-daħq.
jibża’ minnu daqs kemm ix-xitan jibża’ mis-salib
Jibża' ħafna minnu.
Alla jiftaħlek
Ngħiduha lil min ikun f'xi sitwazzjoni diffiċli, bit-tama li Alla jgħinu joħroġ minnha.
anqas Alla ma jrid
Ngħiduha għal xi ħaġa ħażina li m'għandhiex tkun.
mar għand Alla
Ewfemiżmu għal meta xi ħadd imut.
ix-xitan ħara fuqu
Kien iffurtunat.
jalla l-ġid
Ngħiduha biex nuru li aħna kuntenti b'xi ħaġa tajba li tkun ġrat. Ortografija aġġornata minn j'Alla bid-Deċiżjonijiet 1 tal-Kunsill Nazzjonali tal-Ilsien Malti.
kif Alla jridni
Ngħiduha bi tweġiba lil min jistaqsina kif aħna, u ma nkunux qegħdin sew. Ngħidu wkoll "kif Alla jridek" lil xi ħadd biex niċċajtaw miegħu f'xi sitwazzjoni tad-daħq.
allaħares
Oriġinarjament Alla jħares. Ngħiduha meta nkunu nixtiequ li dak li qed nitkellmu fuqu ma jseħħ qatt.
mhux imnalla
Dak li xtaqna li jsir ma kienx rieda t'Alla, u ma sarx.
ix-xitan ma jaħmilx
Ngħiduha meta l-affarijiet ma jibdewx sejrin kif nixtiequ.
Alla ried li…
Imnalla ġara li ġara, bil-grazzja t'Alla.
irid ilaħħaq m’Alla u max-xitan
Irid ilaħħaq ma' kollox.
ma tafx ix-xitan kif iġibha
Aħjar toqgħod attent, ma jmurx l-affarijiet imorru ħażin.
imbierek Alla
Ngħiduha meta nisimgħu jew naraw xi ħaġa sabiħa.
Alla laħqu
Ngħiduha għal xi ħadd li jiġrilu l-ħażin wara li jkun għamel xi azzjoni ħażina.
Alla ġabru
Miet, jew inkella kien fid-direzzjoni l-ħażina u rranġa.
Alla ħabbu
Ngħiduha għal minn ikun ħelisha minn ħalq il-mewt jew evita xi diżgrazzja.