Ngħiduha meta l-affarijiet ma jibdewx sejrin kif nixtiequ.
qisu ra x-xitan
Irrabjah talli fixklu milli ried jagħmel.
għax Alla tal-ħniena
Ngħiduha għal min ikun ħelisha minn ħalq il-mewt jew evita xi diżgrazzja.
mhux imnalla
Dak li xtaqna li jsir ma kienx rieda t'Alla, u ma sarx.
jibża’ minnu daqs kemm ix-xitan jibża’ mis-salib
Jibża' ħafna minnu.
jaf ix-xitan fejn jorqod
Jaf il-ħażin kollu ta' kulħadd, l-għajdut kollu.
lanqas Alla ma jfiehmu
Rasu iebsa ħafna.
Alla biss jaf
Ħadd ma jaf; għadd kbir tant li ma tistax timmaġina kemm.
Alla jista’ kollox
Ngħiduha meta nieħdu pjaċir li xi ħaġa tkun ġrat jew ma ġratx.
Alla jbierku
Ngħiduha meta nisimgħu xi ħaġa tajba fuq xi ħadd.
Alla ħabbu
Ngħiduha għal minn ikun ħelisha minn ħalq il-mewt jew evita xi diżgrazzja.
f’ġieħ Alla
Ngħiduha lil xi ħadd biex nenfasizzaw li nixtiquh jagħmel jew ma jagħmilx xi ħaġa, biex iweġġaħ lil Alla.
ma tafx ix-xitan kif iġibha
Aħjar toqgħod attent, ma jmurx l-affarijiet imorru ħażin.
mar quddiem Alla
Miet.
Alla laqqiegħi
Ngħiduha għal koppja li tirnexxi fiż-żwieġ.
anġlu bellu
Ngħiduha għal xi tifel żgħir u gustuż, b'referenza għat-taqbila Maltija.
jalla
Ngħiduha meta xi ħadd jittama li l-affarijiet imorru kif ikun jixtieq. Ortografija aġġornata minn j'Alla bid-Deċiżjonijiet 1 tal-Kunsill Nazzjonali tal-Ilsien Malti.
qisu anġlu
Ngħiduha għat-tfal żgħar u ħelwin.
rah xitan
Irrabjah talli fixklu milli ried jagħmel.
jagħmel Alla
Nafdaw f'Alla biex meta ma nkunu nistgħu nagħmlu xejn iżjed, jieħu ħsieb Hu.
kif Alla jridni
Ngħiduha bi tweġiba lil min jistaqsina kif aħna, u ma nkunux qegħdin sew. Ngħidu wkoll "kif Alla jridek" lil xi ħadd biex niċċajtaw miegħu f'xi sitwazzjoni tad-daħq.
Alla jaf x’kien jiġri
Seta' nqala' għawġ kbir, jew xi diżgrazzja.