Ngħiduha għal min jaħseb li dak kollu li jagħmel u jgħid xi ħadd huwa tajjeb, qisu Alla.
Alla ġabru
Miet, jew inkella kien fid-direzzjoni l-ħażina u rranġa.
anġlu bellu
Ngħiduha għal xi tifel żgħir u gustuż, b'referenza għat-taqbila Maltija.
Alla jagħtih il-ġenna
Ngħiduha meta nsemmu lil xi ħadd li jkun mejjet, biex Alla jaħfirlu dnubietu.
mnalla
Li kellu jiġri ġara għax Alla hekk ried. Ortografija aġġornata minn (i)mn'Alla bid-Deċiżjonijiet 1 tal-Kunsill Nazzjonali tal-Ilsien Malti.
Alla jista’ kollox
Ngħiduha meta nieħdu pjaċir li xi ħaġa tkun ġrat jew ma ġratx.
għax Alla tal-ħniena
Ngħiduha għal min ikun ħelisha minn ħalq il-mewt jew evita xi diżgrazzja.
Alla jbierku
Ngħiduha meta nisimgħu xi ħaġa tajba fuq xi ħadd.
daqs kemm hu żgur Alla fis-sema
Bla dubju ta' xejn.
Alla jħallsu
Ngħiduha għal min jagħmel azzjoni ħażina; nittamaw li jieħu l-kastig li ħaqqu.
jalla l-ġid
Ngħiduha biex nuru li aħna kuntenti b'xi ħaġa tajba li tkun ġrat. Ortografija aġġornata minn j'Alla bid-Deċiżjonijiet 1 tal-Kunsill Nazzjonali tal-Ilsien Malti.
lanqas Alla ma jfiehmu
Rasu iebsa ħafna.
Alla jkun jafhulek
Alla jagħraf u jippremja l-azzjoni tajba li qiegħed tagħmel.
allaħares
Oriġinarjament Alla jħares. Ngħiduha meta nkunu nixtiequ li dak li qed nitkellmu fuqu ma jseħħ qatt.
Alla jibgħatha tajba, għax ħażina ilha
Ngħiduha meta nkunu nixtiequ li Alla jgħinna negħlbu xi inkwiet li jkun ilu għaddej.
rah xitan
Irrabjah talli fixklu milli ried jagħmel.
Alla nsieh
Ngħiduha għal bniedem twil ħafna.
kemm Alla ħalaq
Ħafna, kwantità kbira ta' xi ħaġa.
Alla m’għamlu
Ma baqax jidher, bħallikieku Alla qatt ma ħalqu.
anġlu bellu
Ngħiduha għal xi tifel żgħir u gustuż, b'referenza għat-taqbila Maltija.
għax Alla ħanin
Ngħiduha għal min ikun ħelisha minn ħalq il-mewt jew evita xi diżgrazzja.
ma tafx ix-xitan kif iġibha
Aħjar toqgħod attent, ma jmurx l-affarijiet imorru ħażin.