Tingħad meta nħossu li xi ħadd qed jgħajjinna, biex inbiegħdu l-għajn ħażina.
kategorija
il-ħażin
ix-xitan għamieh
Għamel xi ħaġa ħażina ħafna jew xi żball oħxon.
ix-xitan ma jaħmilx
Ngħiduha meta l-affarijiet ma jibdewx sejrin kif nixtiequ.
ix-xitan deffes denbu
Inqala' l-inkwiet, ġara xi ħaġa ħażina.
Alla jħallsu
Ngħiduha għal min jagħmel azzjoni ħażina; nittamaw li jieħu l-kastig li ħaqqu.
għax Alla ħanin
Ngħiduha għal min ikun ħelisha minn ħalq il-mewt jew evita xi diżgrazzja.
għax Alla tal-ħniena
Ngħiduha għal min ikun ħelisha minn ħalq il-mewt jew evita xi diżgrazzja.
kif Alla jridni
Ngħiduha bi tweġiba lil min jistaqsina kif aħna, u ma nkunux qegħdin sew. Ngħidu wkoll "kif Alla jridek" lil xi ħadd biex niċċajtaw miegħu f'xi sitwazzjoni tad-daħq.
Alla jagħtih is-saħħa
Ngħiduha b'ringrazzjament lil xi ħadd li jkun għamlilna l-ġid, jew b'mod sarkastiku meta jkun għamlilna d-deni.
Alla laħqu
Ngħiduha għal xi ħadd li jiġrilu l-ħażin wara li jkun għamel xi azzjoni ħażina.
Alla jaf x’kien jiġri
Seta' nqala' għawġ kbir, jew xi diżgrazzja.
Alla ġabru
Miet, jew inkella kien fid-direzzjoni l-ħażina u rranġa.
Alla jibgħatha tajba, għax ħażina ilha
Ngħiduha meta nkunu nixtiequ li Alla jgħinna negħlbu xi inkwiet li jkun ilu għaddej.
L-idjomi kollha, f’post wieħed.