Ngħiduha għal koppja li tirnexxi fiż-żwieġ.
Alla jgħammarkom
Ngħiduha lil koppja li għadha tiżżewweġ biex nixtiqulhom it-tfal.
għad Alla jrid joħloq
Ngħiduha għal min ikun antipatku, pessmu, kattiv jew ikollu karattru li ma jogħġobniex.
ma jistħix minn Alla li ħalqu
Wiċċu jtih, wiċċu tost, ma jistħi minn xejn.
jibża’ minnu daqs kemm ix-xitan jibża’ mis-salib
Jibża' ħafna minnu.
kif Alla jridni
Ngħiduha bi tweġiba lil min jistaqsina kif aħna, u ma nkunux qegħdin sew. Ngħidu wkoll "kif Alla jridek" lil xi ħadd biex niċċajtaw miegħu f'xi sitwazzjoni tad-daħq.
f’ħajjet Alla
Ngħiduha meta nkunu kuntenti li tkun ġrat jew ma tkunx ġrat xi ħaġa.
Alla jbierek id-dinja
Ngħiduha għal xi ħadd li ma jagħti kas ta' xejn.
jekk Alla jislifni l-għomor
Jekk inkun għadni ħaj.
għamlu Alla tiegħu
Ngħiduha għal min jaħseb li dak kollu li jagħmel u jgħid xi ħadd huwa tajjeb, qisu Alla.
ix-xitan deffes denbu
Inqala' l-inkwiet, ġara xi ħaġa ħażina.
jaf fejn ibejjet ix-xitan
Jaf il-ħażin kollu ta' kulħadd, l-għajdut kollu.
anġlu bellu
Ngħiduha għal xi tifel żgħir u gustuż, b'referenza għat-taqbila Maltija.
daqs kemm hu żgur Alla fis-sema
Bla dubju ta' xejn.
donnu x-xitan iz-zopp
Ngħiduha għal min ikun izappap u ma tantx inkunu naħmluh.
għax Alla ħanin
Ngħiduha għal min ikun ħelisha minn ħalq il-mewt jew evita xi diżgrazzja.
qisu ra x-xitan
Irrabjah talli fixklu milli ried jagħmel.
f’ġieħ Alla
Ngħiduha lil xi ħadd biex nenfasizzaw li nixtiquh jagħmel jew ma jagħmilx xi ħaġa, biex iweġġaħ lil Alla.
ix-xitan għamieh
Għamel xi ħaġa ħażina ħafna jew xi żball oħxon.
Alla jbierek
Espressjoni ta' stagħġib għal xi ħaġa li togħġobna. Tintuża wkoll b'mod sarkastiku.
Alla jagħtih is-saħħa
Ngħiduha b'ringrazzjament lil xi ħadd li jkun għamlilna l-ġid, jew b'mod sarkastiku meta jkun għamlilna d-deni.
jibża’ minnu daqs kemm ix-xitan jibża’ mis-salib
Jibża' ħafna minnu.