Imnalla ġara li ġara, bil-grazzja t'Alla.
Alla jħallsu
Ngħiduha għal min jagħmel azzjoni ħażina; nittamaw li jieħu l-kastig li ħaqqu.
jaf ix-xitan fejn jorqod
Jaf il-ħażin kollu ta' kulħadd, l-għajdut kollu.
jibża’ minnu daqs kemm ix-xitan jibża’ mis-salib
Jibża' ħafna minnu.
b’kemm Alla tah saħħa
B'saħħtu kollha, kemm felaħ.
ix-xitan deffes denbu
Inqala' l-inkwiet, ġara xi ħaġa ħażina.
irid ilaħħaq m’Alla u max-xitan
Irid ilaħħaq ma' kollox.
mnalla
Li kellu jiġri ġara għax Alla hekk ried. Ortografija aġġornata minn (i)mn'Alla bid-Deċiżjonijiet 1 tal-Kunsill Nazzjonali tal-Ilsien Malti.
Alla jbierek
Espressjoni ta' stagħġib għal xi ħaġa li togħġobna. Tintuża wkoll b'mod sarkastiku.
f’ħajjet Alla
Ngħiduha meta nkunu kuntenti li tkun ġrat jew ma tkunx ġrat xi ħaġa.
jalla l-ġid
Ngħiduha biex nuru li aħna kuntenti b'xi ħaġa tajba li tkun ġrat. Ortografija aġġornata minn j'Alla bid-Deċiżjonijiet 1 tal-Kunsill Nazzjonali tal-Ilsien Malti.
minnek ’l Alla
Nafdaw f'Alla biex jieħu ħsieb iħares lil dak li jkun meta aħna ma nkunux nistgħu.
jaf fejn ibejjet ix-xitan
Jaf il-ħażin kollu ta' kulħadd, l-għajdut kollu.
Alla ħabbu
Ngħiduha għal minn ikun ħelisha minn ħalq il-mewt jew evita xi diżgrazzja.
sar xitan
Irrabja ħafna.
għamlu Alla tiegħu
Ngħiduha għal min jaħseb li dak kollu li jagħmel u jgħid xi ħadd huwa tajjeb, qisu Alla.
Alla jbierku
Ngħiduha meta nisimgħu xi ħaġa tajba fuq xi ħadd.
lanqas Alla ma jsemmgħu
Rasu iebsa ħafna.
minnek ’l Alla
Nafdaw f'Alla biex jieħu ħsieb iħares lil dak li jkun meta aħna ma nkunux nistgħu.
ix-xitan laqqagħhom
Ngħiduha għal tnejn li ma jiftiehmu qatt u l-ħin kollu jiġġieldu.
jekk Alla jislifni l-għomor
Jekk inkun għadni ħaj.
Alla jaħfirlu
Ngħiduha meta nsemmu lil xi ħadd li jkun mejjet, biex Alla jaħfirlu dnubietu.