Qagħad jiftaħar.
kategorija
il-ġisem
għandu bokka bih
Kburi ħafna bih u jħobbu ħafna.
bil-boċċa f’ħalqu
Għandu wiċċu minfuħ.
donnu boċċa
Bniedem oħxon ħafna, qisu boċċa.
blandun
Bniedem twil u sabiħ. Il-blandun huwa gandlier kbir, b’xemgħa twila u ħoxna. Din ikollha salib, is-sena attwali u ħames imsiemer li jissimbolizzaw il-pjagi ta’ Kristu. Tinxtegħel f’Sibt il-Għid u tibqa’ tintuża sa Għid il-Ħamsin. Matul is-sena jibdluha ma’ waħda...
bin ommu, missieru
Ħareġ jixbah ħafna lil ommu jew lil missieru, mill-fattizzi jew mill-karattru.
beka biki tad-demm
Beka u ddisjpaċieh ħafna.
bniedem ma jgħaddix minn dak il-bieb
Bniedem twil u li fih persuna.
waqa’ biċċiet
Kellu wġigħ kbir ħafna f’xi parti ta’ ġismu eż. ħass rasu se taqa’ biċċiet, ħass widnejh se jaqgħu biċċiet, eċċ.
biċċa bniedem
Tingħad b’disprezz għal dak li jkun eż. biċċa kuntrattur, biċċa żeffiena, eċċ.
biċċa ta’ bniedem
Raġel, mara, tifel jew tifla sabiħa u f’saħħitha eż. Fih biċċa ta’ raġel! X’biċċa ta’ tifla dik!
anqas li gidem beżżul ommu
Bniedem sfortunat, li ma tiġih qatt waħda tajba. Il‑beżżula hija l‑parti ppuntata tas‑sider, minn fejn terda’ l‑ħalib it‑tarbija.
beżżul
Bniedem sfortunat, li ma tiġih qatt waħda tajba. Il-beżżula hija l-parti ppuntata tas-sider, minn fejn terda’ l-ħalib it-tarbija.
ixommu l-bettieħ
Għandu mnieħru kbir jew twil.
qisu betbut
Bniedem li jitkellem jgħajjat u minn imnieħru. Il-betbut huwa strument mużikali Malti u jagħmel ħoss bħal dak ta’ papra (fil-fatt, il-papra tbatbat).
fetaħ xi mkien beraħ
Qasam xi parti ta’ ġismu b’mod serju eż. fetaħ rasu beraħ, fetaħ idu beraħ, eċċ.
bejjet f’qalbu
Baqa’ jiftakar il-ħażin li kien għamillu u pattihielu.
bażwi
Li jkun ħażin ħafna eż. xogħol bażwi, idea bażwija, għira bażwija, eċċ.
donnu bażwi
Bniedem li ma jrid jagħmel sforz fiżiku ta’ xejn.
x’batterija għandu!
Għandu xedaq snien ġmielu!
barmil tax-xaħam
Bniedem oħxon ħafna.
bard ixoqq il-għadam
Bard kbir ħafna.
snienu bandla
Snienu waslu biex jaqgħu għax qed jiċċaqilqu ħafna.
ħwejġu bandiera
Liebes ħwejjeġ qodma, mqattgħin, mhux ta’ quddiem in-nies.
il-Bambin refgħu minn xagħru
Ħeles minn xi periklu jew diżgrazzja, evita sitwazzjoni kerha ħafna.
il-Bambin insieh
Dan il-bniedem twal ħafna.
waqqa’ l-balla fuq saqajh
Għamel xi ħaġa u aktar tefa’ l-ħtija fuqu stess.
għandu balla fuq l-istonku
Għandu xi ħaġa qed iddejqu ħafna jew tinkwetah u jixtieq jesprimiha.
għandu fejn jaqli bajda
Għandu widnejh kbar ħafna, bħallikieku taġnijiet.
donnu bagoll
Bniedem ta’ statura goffa.
qisu baga
Oħxon ħafna. Baga hija oġġett ta’ għamla tonda marbut f’wiċċ il-baħar b’mażżra fil-qiegħ jew ankra biex fost oħrajn jorbot il-bċejjeċ tal-baħar.
bil-baffi
Oġġett sabiħ ħafna jew ta’ kwalità eċċellenti.
għandu arkata tajba
Idoqq il-vjolin jew il-vjolinċell tajjeb ħafna. L-ark huwa l-istikka bix-xagħar stirat taż-żiemel li biha jindaqqu dawn l-istrumenti.
qisu aringa
Irqiq ħafna. L-aringa hija speċi ta’ ħuta żgħira u rqiqa.
qisu l-arblu ta’ Mejju
Twil ħafna.
qisu l-Arbanja
Dan il-bniedem ta’ ċertu kobor u guffaġni; ngħiduha wkoll għal xi oġġett. L-Arbanja tirreferi għal HMS Hibernia, bastiment li dam 50 sena rmiġġat ħdejn il-Forti Sant’Anġlu, u s-silwett imponenti tiegħu kien karatteristika li tiddefinixxi l-port.
abbli biex [+ verb]
Jista’ jkun li ser tiġri l‑azzjoni indikata fil‑verb, eż. abbli biex tinzertah, tilmħu, issibu, eċċ.
qalagħlu għajnejh
Il-pjaċir li tah kien enormi.
għamlu b’għajnejh miftuħa
Għamlu għax ried u kien jaf eżatt x'qed jagħmel.
jafu b’għajnejh magħluqin
Jafu sewwa ħafna.
jixtieq jaqla’ għajnejh biex…
Lest li jagħmel minn kollox għal xi ħadd jew xi ħaġa.
sar kollu għajnejn
Qagħad attent ħafna.
xoroblu għajnejh
Għejjielu għajnejh.
għajnejh ikellmuk
Għandu għajnejh espressivi ħafna.
ma riedx jemmen ’l għajnejh
Li ra tant kien tal-għaġeb li ma setax jemmen.
waqa’ taħt għajnejh
Rah, innutah.
għajnejh fih
Qagħad għassa tiegħu.
għandu għajnejn biex jara
Dak li qed jiġri qed jarah b'għajnejh u kapaċi jqis is-sitwazzjoni.
għajnejn ta’ liebru
Għajnejn kbar ħafna, bħal ta' liebru (fenek kbir).
għajnejh jarmu x-xrar
Għajnejh juru rabja kbira.
straħ fuqu b’għajnejh magħluqa
Wera fiduċja sħiħa fih.
qagħad fuqu b’għajnejh magħluqa
Wera fiduċja sħiħa fih.
jiftaħlek għajnejk
Tajjeb ħafna.
għajnejh isawtuk
Għajnejh koroh u jimbuttawk.
għajnejh qamar
Għajnejn miftuħin beraħ.
ħaleb għajnejh
Beka immens.
għajnejn ta’ nemes
Għajnejn li jaraw tajjeb ħafna.
bewwel għajnejh
Beka.
jagħti għajnejh għalih
Tant iħobbu li minn kollox jagħmel għalih.
għajnejk f’għajni
Tingħad meta nħossu li xi ħadd qed jgħajjinna, biex inbiegħdu l-għajn ħażina.
żamm taħt għajnejh
Qagħad għassa.
żebbeġ għajnejh
Ċekken għajnejh biex jiffoka fuq xi ħaġa.
għajnejn il-ħaġel
Għajnejn ileqqu.
għajnejh miksura
Għajnejh jixhdu dwejjaq kbar jew li ma jiflaħx.
rah b’għajnejh
Kien hemm meta ġara li ġara, il-fatti ċari.
ma jistax jarah b’għajnejh
Jobogħdu, ma jistax għalih.
li jaraw għajnejh jagħmluh idejh
Kapaċi jagħmel ħafna affarijiet.
serqu minn bejn għajnejh
Kien ovvju li qed jisirqu u ma indunax.
għajnejh biż-żlieġa
M'għandux vista tajba.
għajnejn li jisirqu n-nies mit-toroq
Għajnejn isaħħruk bis-sbuħija tagħhom.
għamel xi ħaġa fuq xfar għajnejh
Għamel xi ħaġa ta' bilfors, li ma kellux aptit.
ma qalax għajnejh
Baqa' jħares lejn xi ħadd jew xi ħaġa bla waqfien.
qala’ għajnejh
Għajnejh għejew iħarsu lejn xi ħaġa jew jaqraw xi ħaġa.
ikellmek b’għajnejh
Għajnejh espressivi ħafna.
għalaqlu għajnejh
Kien miegħu xħin miet.
qralu f’għajnejh
Mill-ħarsa t'għajnejh induna x'kien qed jaħseb jew x'kien qed iħoss.
għajnejh f’wiċċu
Jara l-affarijiet kif inhuma.
għandu erba’ għajnejn
Għandu nuċċali.
għasar għajnejh
Beka ħafna.
għajnejn ta’ baqra
Għajnejn kbar u ċassi.
għajnejn il-mogħża
Għajnejn b'ħafna kuluri.
għajnejn il-ġurdien
Għajnejn żgħar immens.
għajnejh mitfija
Għajnejh bla entużjażmu, imdejqin.
għajnejh kienu qishom sajjetti
Ir-rabja li kellu kienet tidher f'għajnejh.
ibblakkalu għajnejh
Tah daqqa f'għajnejh u benġilhomlu.
tefa’ għajnejh fuq xi ħaġa jew xi ħadd
Inġibed lejn xi ħaġa jew xi ħadd.
għajnejh waqgħu fuq xi ħaġa jew xi ħadd
Ra xi ħaġa jew lil xi ħadd.
bellagħlu għajnejh
Għajjat miegħu waħda sew.
ried jara b’għajnejh u jmiss b’idejh
Ried ikun hemm u jara hu stess biex jemmen.
għajnejh iġibu
Jara tajjeb mill-bogħod.
trid seba’ għajnejn biex tħares lejh
Huwa oġġett tant sabiħ li trid tħares lejh fit-tul u bir-reqqa.
nefaq għajnejh
Nefaq ammont kbir ta' flus.
ried jieklu b’għajnejh
Ħares lejh b'intensità kbira, x'aktarx bir-rabja.
għajnejh fil-ħofra
Għajjien ħafna.
għamilha fuq għajnejh
Għamel xi ħaġa ta' bilfors għax kien wisq għajjien.
tah għajnejh
Tah dak kollu li seta'; għamel minn kollox għalih.
għajnejh bis-suppressat
Ngħiduha għal min ma jarax jew taparsi ma jarax xi ħaġa.
għajnejn ta’ seqer
Ngħiduha għal xi ħadd li joqgħod attent ħafna u ma jaħrablu xejn.
fetaħlu għajnejh
Wissieh.
iftaħ għajnejk
Oqgħod attent.
għalaq għajnejh
Injora intenzjonalment xi nuqqas; miet.
b’għajnejh magħluqa
Bla tħassib ta' xejn; bl-amment.
qagħad b’seba’ għajnejn
Qagħad attent ħafna.
kemm jara b’għajnejh
Ħafna.
ġab għajnejh wara widnejh
Stagħġeb ħafna; baqa' skantat.
għajnejh ikbar minn żaqqu
Ħa iżjed minn kemm tassew kapaċi jiekol. B'mod aktar ġenerali, ngħiduha wkoll għal min irid iżjed milli diġà għandu.
aħmar demm
Aħmar ħafna, bħad-demm.
donnu x-xitan iz-zopp
Ngħiduha għal min ikun izappap u ma tantx inkunu naħmluh.
Alla nsieh
Ngħiduha għal bniedem twil ħafna.
kielhom il-ġurdien
Għandu xi snien neqsin, ġeneralment ngħiduha lit-tfal.
għajnejh sponża
Meta jara xi ħaġa jibqa' jiftakarha.
bejlek għajnejk
Oqgħod attent(a) minn xi ħaġa.
L-idjomi kollha, f’post wieħed.